ZALEN March 11, 2025 : ZPM Thalai chuan 4th Session Of The Ninth Assembly Session neih mek ah Lalnghinglova Hmar, Minister Of State, Excise Department changtu Bill put luh The Mizoram Liquor (Prohibition) Amendment Bill, 2025 passed a ni chu lawmawm an ti.

ZPM Thalai chuan The Mizoram Liquor (Prohibition) Amendment Bill, 2025 hi Kuthnathawktu te tan Bill tha tak leh lawmna tur niin an ngai a, Kuthnathawktu te thlai leh thei thar chhuah te hlawk zawk leh man man zawka an hralh theina tur Bill pawimawh tak pu luttu Excise & Narcotics Dept. Minister Lalnghinglova Hmar pawh an chhuang an ti.

He Bill hi Opposition Party ten "Zu zawrhna tur Bill" tia mipui hruaikawi an tum mek chu ZPM Thalai chuan pawi an ti a. Kuthnathawktu ten leirem an rah theih nana dan pawimawh tak, dan tha tak hnuaia Mizoram thar chhuah Fruit Beer leh Wine te hralh chhuah a nih theihna tur bakah, State pawn lam Zu, Beer, Wine leh Mizoram chhunga Zu thalo tak takte khuahkhirhna tur a nih avangin he dan siamthat tak hi Mizoram khua leh tuite tan a pawimawh hle a ni, an ti.

Mizoram tharchhuah- Sawhthing, Balhla, Dragon Fruit, Sap thei, Lakhuihthei, Sunhlu, Kawlthei, Theiherawt, Fu leh a dangte hmanga Fruit Beer siam te chu dan mumal tak hnuaia Kut hnathawktu ten an hralh theina tur leh hlawk zawka an thlai tharte an tihral theihna tur kawng a in hawng ta hi ZPM Thalai chuan Kuthnawthawktute a lawmpui an ti.