June 27, 2023; ZPM thalai chuan Aizawl Sout I huam chhung a SASCI hnachhuak chungchangah thil fello awmah ngaiin, Mizoram Lokayukta ah FIR thehlut.

Thuchhuah an siama an tarlan danin, Aizawl South I huam chhungah SASCI atangin hna hlawm pathum a chhuak a, heng hnate hi Rs. 8,11,00,000 man niin, ZPM thalaiin a zir chianna-ah thil dik lo tam tak awm hailan a ni.

Chung zingah chuan a hmun dik tak ni lova hnathawhte, hnathawh chhe lutukte a tel bakah, Construction of concrete pavement on College Veng Field to PUC to Bethlehem Vengthlang Kawn phei hi chu a taka hmuh tur a awm miah lo a, a bo a ni. 

Hetiang thil dik lo tam tak awmte chhui chhuak a, a mawhphurtute hrem an nih theih nan 27.6 2023 hian ZPM thalai chuan Mizoram Lokayukta-ah FIR  a thehlut.