ZALEN April 27, 2025 : ZPM chuan thuchhuah siamin Sawrkar chuan kut hnathawktute tana ding a nihzia lantirin, February 20, 2025 atang khan a thawhkhat nan Sawhthing a lei tan a, Quintal 72,003 lei a nih hnuah a thawhhnihna atan April 21, 2025 atangin Secondary Collection Centre hrang hrangah sawhthing lei leh tan a ni a, Direct Purchase leh Auction hmanga sawhthing lei hi a kalpui chhoh mêk a ni, an ti.

CM Lalduhoma kaihhruai ZPM Sawrkar-in kut hnathawktute dinchhuah nana thlaithar leina tur Mizoram budget-a ‘DAH’ a ni hi ZPM Thalai Hqtrs chuan lawmawm an ti a, ‘Kan danglam bik ang’ tia tiamtu ZPM chuan a insawi ang ngeiin Kut hnathawktute thlaithar a lei ta ngei bawk a ni, an ti.

Kut hnathawktute tana ZPM Policy a hlawhtlin theihna tura rim taka theihtawp chhuah rengtu Agriculture Minister PC Vanlalruata, Adviser to CM Dr K.C Lalmalsawmzauva leh Agriculture Marketing Board Member zawng zawngte ZPM Thalai chuan an chhuangin Zoram tana an hnathawh ropui an ti.