May 31, 2023; Excise & Narcotics department (END) chuan, kum kal ta 2022-23 chhung khan Mizoram Liquor Prohibition & Control (MLPC) Act bawhchhia mi 4,614 an man a, MLPC Act hmang vek hian thubuai 5,434 an ziak lut.

END chhinchhiah danin, kum kal ta chhung khan sap zu um puitling 18,339, a chanve um 719 leh quarter um 251 an man. Rakzu litre 73041.965 leh zu bilh lai tin 1,44,138 an tichhe bawk. India pawn atanga zu lak luh pawh nikum khan um 2,782 an man bawk.

Heroin an man zawng zawng chu kg 36.477 niin, Methamphetamine kg 102.63, Pseudoephedrine kg 29.53 man bawkin, ruihhlo kaihhnawih a man foreigner 66 an awm.

2022-23 chhunga revenue hmuh tur a beisei (target) zat Rs. Nuai 150 a nih laiin, an hmuh zawng zawng chu Rs. 1,89,57,287 a tling.