February 5, 2024; February 3, 2024 khan Lunglei District Police, Excise Department, Border Security Force (BSF) leh Village Defence Parties (VDP) te ṭangrual chuan zu leh ruihhlo beih runpui neiin ruihhlo (narcotics), rakzu (local made liquor (LML)) leh Motor Vehicle (MV) dan bawhchhiatna te an vai.

Joint Operation hi Govt. Lunglei High School, Chanmari, ah briefing neih a nih hnuah ṭan a ni a. Ni.3.2.2024 chhun dar 12 aṭanga tlai dar 5 thleng neih niin Joint Operation team te hi ṭhuang hniha inṭhenin check tura ruahman sa hmunte an tuam a ni.

Command Centre/Check Point hi 3Gate leh Pukpui Centenary Point ah SDPO Lunglei leh DySP(P) Pu Stephan Lalramthara te hona hnuaiah dah niin, hlawhtling takin beihpui hi thlak a ni.

Narcotic Drugs and Psychotropic Substances (NDPS) Act bawhchhiatna: Heroin gram 2.4 grams, local market-a Rs.7000 man hu chu B. Laldinthara, Lunglawn hnen aṭangin man a ni a, Section 27 of the NDPS Act hnuaiah thubuai ziah luh a ni.Mizoram Liquor Prohibition (MLP) Act bawhchhiatna: Rakzu litre 22, Rs.11,000 man hu chu mi engemaw zat hnen aṭangin man a ni bawk.

Motor Vehicle (MV) Rules bawhchhiatna: MV Rules bawhchhiatna hrang hrang, helmet khum lo, lirthei khalh fimkhur lo leh dahna hmun lova lirthei dah te man a ni bawkin, dan bawhchhetu mi panga atanga chawi tlingkhawm hi Rs.7000 a tling bawk.Operation hi hmasawnna tur leh inzir belhna tur te thlirletna hun hman a nih hnuin khar a ni.

Thlalak : File picture