Zawhna: Ka pu, nula kum 25, hrawk nuam lo rawn zawttu tho kha ka nia. ENT ah chuan ka in entir a, endoscopy-ah chuan ka pumpui pawh ulcer lo a, ka chaw kawng pawh a lawng lo bawk a, doctor-in damdawi min chawh pawh ka ei reng a; mahse, a la reh chuang miah lo. Lehkha ka zir tawh lo a, inah a rem rem ka thawk thin, zuk leh hmuam engmah ka ti lo, kuhva ka ei zeuh zeuh thin. Chuan ka pu, ka khuh leh vak vak thin a, ka khuh châng chuan ka hrawk hi a na deuh thin a, a nuam lo thei khawp mai, hritlang chu ka ni miah lo bawk. Khawngaihin min lo pui leh hram rawh. Chhanna ka lo nghak leh e.Zawhna: Ka pu, nula kum 25, hrawk nuam lo rawn zawttu tho kha ka nia. ENT ah chuan ka in entir a, endoscopy-ah chuan ka pumpui pawh ulcer lo a, ka chaw kawng pawh a lawng lo bawk a, doctor-in damdawi min chawh pawh ka ei reng a; mahse, a la reh chuang miah lo. Lehkha ka zir tawh lo a, inah a rem rem ka thawk thin, zuk leh hmuam engmah ka ti lo, kuhva ka ei zeuh zeuh thin. Chuan ka pu, ka khuh leh vak vak thin a, ka khuh châng chuan ka hrawk hi a na deuh thin a, a nuam lo thei khawp mai, hritlang chu ka ni miah lo bawk. Khawngaihin min lo pui leh hram rawh. Chhanna ka lo nghak leh e. CHHANNA: Advice pek anga i lo tih vek avang leh i harsatna reh thei lo i rawn zawh nawn leh avangin lawmthu ka’n sawi hmasa ang e. Thu lawmawm ni ta chu natna hlauhawm chi i nei lo ta phawt mai a, ngaih titha phawt ang. Chuan, nangmah ang hi an awm fo a ni tih hre leh phawt la, zawhna hmasa kan chhan hnu khan ka hmelhriat 4-5 vel lai chuan i harsatna ang kha an lo neih ve thu min hrilh a, advice ka pek che ang khan a then chuan an lo ti ve zel bawk a, he column hi hmang tangkaitu kan awm nual tih a hriat a, a lawmawm hle mai. Kan hrawk bawr hi tihrawl te reuh têtê, tangkai tak tak siin a hual vel a. Thil ho têtê vangin a chet leh tanrual dan a buai ve fo mai. Kan sawi tak angin chhete vung emaw lawng a awm pawhin thil lem nuam lo a insiam thei a ni. I in-check up hnu pawha engmah an hmuh loh a, a reh theih bawk si loh chuan Psychological cause (rilru lam kaihhnawih) a nih duh hmel ta viau mai. Anxiety Disorder thenkhat hian hetiang insawiselna hi a thlen ve thei a, a reh mawh viau. Vei nasat poh leh a zual duh a, chuvang chuan Psychiatrist lo pan leh thei la, i harsatna hi an puih theih ngei che ka beisei. I pan hreh a nih pawhin Zalen chanchinbuah hian ka contact no dil tawp la, min lo be mai dawn nia.