Zawhna: Ka vun thak hi November thla khan Civil hospital-ah ka entir a, a dam duak a, mahse a lo thak \ha leh a. March thla khan ka entir leh a, an damdawi min chawhte ka hnawih zova, a ngaite in a rawn thak leh zel tho a, a dam hlen theihna min chawh thei em? Chhana: Vun thak han tih hian eng ang chiahin nge a thak dan, hunbi nei ani em, thak satliah nge a vual tel \hin, phuhlip ang te a awm em, a vung em, natna emaw insawiselna dang a awm em tih te hi hriat tel a \ul khawp mai a. Chiang taka i rawn sawi loh avang hian a chhan ni thei awm ang te i han ngaihtuah hmasa phawt teh ang. Vun thak reh thei lo, awm leh \hin tam zawk hi chu thil huat neih “Allergy” vanga awm a tam ber a. A dang lehah chuan natna dang rawn lan chhuah dan ani fo bawk. Allergy han tih hian a huam zau viau mai a, ei leh in lam thil huat te, thawmhnaw puan lam chi huat bik neih te, boruak leh sik leh sa vanga awm te ani thei vek mai. Allergy test an tih hian huat zawng hi a awm \euh thei a, specific taka thil huat bik nei te pawh a awm thei bawk. Entir nan, chakai hua ang te hi - an ei rual rualin an vual a, an thak nghal a, a nasa zualah phei chuan thawk te a tibuai hial thei. Asthma kan tih te pawh hi a tam zawk chu eng emaw tak an huat avanga an thawkna dawt, chuap chhunga boruak la luttute sawng te thut thut vanga boruak kham lo te a ni thei. Common leh ang reng tak chu ni zung natna an tih mai, nisa in a em nasat avanga ultra-violet rays huat te pawh a ni thei ang. Chutiangah chuan taksa pholan tam lai te ah a awm duh zual. Pum lam fel lohna avang te, thin chak lo/\ha lo vang tea vun thak an awm bawk. Mitliam (Jaundice) hi a nasat chuan taksa a bilirubin tam lutuk kha vunah a intuh a, vun thak vak vak hi an nei fo bawk. Zunthlum nei nasa te hian an nei duh phian bawk a, an blood sugar control a \hat loh chuan hunbi nei hran lem lo hian vun thak leh vual te an nei fo. Khawvawt lutuk emaw lum lutuk hua te pawh an awm ve fo a, vun thak vak vak hi an nei duh viau. Vun ro chi hrim hrim hi an awm bawk a, thlasik lai te hian vun thak a awm duh zual bawk. Allergy vanga vun thak hi chu damdawi ei laiin a reh duak a, mahse ei tawh loh hnuah a lo awm leh mai \hin. A dam hlen mawh khawp a, huat zawng hriat theih chuan chutiang laka inven emaw insum te a \angkai duh viau. Rulhut pai hian vun thak leh vual an nei duh khawp mai a, rulhut damdawi te pawh an chawh tel bawk \hin. Zunthlum i neih leh neih loh hriat a \ha viau mai a, tin, blood test (Hemogram) te pawh lo ti thei la, blood cell count fel lo te a awm chuan a chhan hriat chhuah nan a \angkai bawk. Vun hi kan taksa langsar lai ber ani a, a pawimawh a, inenkawl uluk a ngai khawp bawk. Ni zung laka ven \hat te a pawimawh viau mai a, Sunscreen Lotion \ha hmanga vun ven hi tih fo tur a ni; a theih phei chuan ni khatah vawi 2 te pawh inhnawih thei ila, a veng \ha lehzual.