Ramchhung and Rampawn

‘Damlo an thih belh zel dawn’

Admin - Apr 24, 2021

ICU-ah indahluna a awm thei tawh lo

Delhi-ah chuan damdawi inte chu an phar buai tak zet a. Holy Family Hospital-ah chuan intensive care unit chu a khat vek a, khum awl a awm tawh lo bawk.

“Damdawi in tin hian a tawp amn thleng tawh a. Oxygen hi a tawp a nih chuan damlo hi an thi zel dawn,” tiin Dr Sumit Ray chuan a sawi.

“Minute reilo te chhungin an thi zel a. Damlote hi han en ila, ventilator an hmang a, oxygen an mamawhna a sang em em a. Oxygen hi a tawp a nih chuan an thi a ni mai,” a ti bawk.

Damdawi in dangte pawh hi oxygen an mamawh thu an sawi nasa a, darkar chanve daih bak nei tawh lo pawh an awm.

Moolchand Hospital-ah damlo 135 an kawlte chuan khawl nena puih an mamawh a, damdawi in dangte pawh an dang chuang lo.

“Kan thawktute hi a tam thei ang ber nun chhan turin kan dah reng,” tiin Moolchand-a medical director Madhu Handa chuan NDTV news network hnenah a sawi.

An damdawi inah chuan an dinhmun a ziaawm deuh hma chuan tumah dah luh an tum tawh lo tih a sawi.

 Jaipur Golden Hospital-a doctor pawh Zirtawpni tlai dar 5:00-ah oxygen tonne 3.6 dawng tura an inngaih laiin zan laiah an dawng chauh va, damlovin an tuar.