ZALEN May 15, 2025 : All India Radio, Aizawl FM Zoawi 100.7 MHz chu hun rei tak chawlhsan a nih hnuah vawiin atang khan thar thawh leh a ni.

All India Radio FM Zoawi hi 100.7 MHz ah kum 2008 August ni 15 atanga bultan niin programme hrang hrang tihchhuah thin a ni a, hun rei tak a kal hnuah kum 2024 January ni 20 khan tih tawp lai lawk a ni a, vawiin atangin rampuma Radio station ah FM channel thar thawh leh a ni.

FM Zoawi awm thar leh tur puala hun hmanah hian Director leh Akashvani leh DDK Mizoram Cluster Head DR Lalropuia chuan Tunlai social media leh internet khawvelah mi nawlpuiin Radio an ngaihthlak tam tawh loh laiin All India Radio Aizawl programme la chawinung rengtu FM Zoawi thar thawh leh a ni chu lawmawm a tih thu sawiin mipuite FM Zoawi ngaihlua lo ngaithla zel turin a ngen.

FM Zoawi chu thalai te duhzawng tura duan a ni tih sawiin a tir te atangin mipuiten an hlut thu leh ngaithlatute chu Mizoram chhung bakah Mizoram chhehvêl atangin an awm thin thu an sawi a. Mizo, English leh Hindi a puan a ni thin chuan Mizo fate an duai bik lo tih tilangtu a ni a ti. Mizo te tana finna tur thu tha tam tak an puan thin ngaithla tam chu an ât ngai loh thu a sawi a ni.

Director chuan All India Radio hmasawnna atana an thawh chhoh dan sawiin FM Zoawi 100.7 MHz chu a tira darkar 5 chauh FM Zoawi programme awm thin chu tunah chuan nitin darkar 14 lai an neih theih tak thu leh mobile app hmanga live stream-in a kal thei a ti a, Kum 2019 August ni 15 atang khan chhun program dar 11AM to 2PM hawn belh leh ani at i bawk.

All India Radio FM Zoawi hi AIR Studio, Tuikhuahtlanga atanga tihchhuah thin a ni a, kum 2022 August ni 15 khan a kum 15-na champha phak an lo lawm tawh a ni.