ZALEN January 2, 2023 : Mizoram Sawrkar in halpuah leh halmawi hal khapna a chhuah chuan zawm a hlawh lo a, Kumhlui thlah zan, Zanlai dar 12-1 inkar, halpuah hal vanglaiin boruak chhe tehna chuan 597µg/m3 a kai a, 2022 zanlai dar 12-1 inkara 285 µg/m3 aiin 2023 thlah zan khan a let hnih chuangin a sang.

Mizoram Pollution Control Board chuan kum 2023 Kumhlui thlah zan boruak dinhmun zirchianna an nei a, Sikulpuikawn-a Continuous/Automatic Air Quality Monitoring Station-in boruak dinhmun a chhinchhiah danin kum 2023 kum hlui thlah zanah halpuah leh halmawi halin kum hmasa aiin boruak a tibawlhhlawh nasa zawk.

He khawlin a chhinchhiah danin bawlhhlawh nawi khu leng vel (PM10) hi December ni 31, 2023 chhun lamah chawhrualin 6µg/m3 (meter biala microgram) anih lain zanlai dar l2-1 inkar halpuah hal vanglai-ah chuan 597µg/m3 a kai chho a, 2022 zanlai dar 12-1 inkara 285 µg/m3 aiin kum 2023 ai khan a let hnih chuangin a sang. Kum hmasa aiin halpuah leh halmawi hal a nasa zawka nia ngaih theih a ni.