December 29, 2023; Hna zawh hun tur huntiam vawi 3 awm tawh, Reiek Kai Tlawng Lei thlen chin chu heti chin hi a la ni.

Reiek kai Tlawng Lei (Bug Bridge double lane) dawh mek hi Sadguru Engineer & Allied Services Pvt. Ltd., Assam ten thawkin kum 2017 atang khan hna bul tan a lo ni tawh a, zawh hun tura tiam vawi thum awm tawhin a hnuhnung ber chu February 28, 2023 a ni. Tun dinhmunah structure bik zawh thawkhat a ni tawh.

Reiek kai Tlawng lei (Bug Bridge Structure ) dawh mek hi Sadguru Engineer & Allied Services Pvt. Ltd., Assam ten contract hna thawkin kum 2017 atang khan bul an lo tan tawh a. MPWD leh Sadguru Engineer & Allied Services Pvt. Ltd. Assam te chuan inremna siamin February 28, 2019-ah zofel tura tih an ni.

Hna a kalmuan avangin May 31, 2021 thleng atan an zawh hun tur hi pawhsei sak leh an ni a. Sadguru Engineer & Allied Services Pvt. Ltd. hnenah Show Cause Notice tum hnih leh Superintending Engineer (Central Circle) atangin tum khat an pe a, hemi hnu hian February 28, 2023-ah hna thawh zawh an intiam a ni.

Reiek kai Tlawng lei zau zawng hi metre 7.5 (double lane) a ni a, a san zawng metre 7 niin metre 55 a sei a ni.