ZALEN August 30, 2023 : Taxation Department chuan kum nga kalta chhung khan an target an khum vek a, 2021-22 kha an target khum nasat ber niin cheng vaibelchhe 108 in an khum a, kum kalta khan cheng vaibelchhe 1,020 an khawn chhuak a, Mizoramin chhiah atanga vaibelchhie 1,000 chuang a hmuh hmasakber a ni.

Taxation Minister-in a sawi danin 2018-19 khan tax hmuh tura an target chu vaibelchhe 483 a nih laiin an hmuhchhuah zat chu vaibelchhe 578 a ni a, 2019-20 khan an target chu 573 a nih laiin tax an khawnchhuah zat chu vaibelchhe 667 a ni. 2020-21 khan Covid-19 hri leng karah target vaibelchhe 661 an nei a, Taxation lam pawh an mangang viau a, chuti chungin target chu vaibelchhe 16 in an khum ta tho a ni.

2021-22 khan target vaibelchhe 789 an nei a, covid-19 avangin hemi kum pawh hian target an khum loh an hlau a, mahse, vaibelchhe 894 an khawnchhuak a, an target chu cheng vaibelchhe 108-in an khum a, kum nga chhunga target an khumna sang ber a ni. sawrkar kum kalta chhung khan vaibelchhe 1,020 an khawnchhuak a, an target vaibelchhe 971 chu vaibelchhe 49 in an khum bawk a ni.