Aizawl February 12, 2024 : Vawiin khan Art & Culture Minister C. Lalsawivunga chuan Falkawn-a Art & Culture Department hnuaia siam Zokhua a tlawh a, Mizo khuaa Insak dan hrang hrang te hre turin thangtharte a hmuna tlawh tha a ti.

Minister hian Zokhua-in tun aia nasa zawka sum a hai luh theih dan tur leh hma a sawn zelna turte a hmun ngeiah kalin a tlawh a. Tun aia nasa zawka mipuite leh Tourist-te hip thei tura hmasawnna tur te enfiah a ni.

Zokhua-ah hian hmanlai Lal In, Zawlbuk, Lal-Upa In, mi naran In bakah Thirdeng In leh Pum te bakah Hmeithai In a awm a. Zokhua tlawh duh tan hian a luh man hi mi pakhat tan ₹20/- zel a ni.

Zokhua atang hian tun aia nasa zawka sum deh chhuah anih theih nan sawrkar laipui scheme hnuai atangin a thuamthatna tur leh a tihhmasawnna tur dap a ni dawn bawk a ni.

Art & Culture Minister hi Carol VLMS Dawngkimi leh Officials dangte'n an tawiawm a ni.