Admednagar damdawi in kangah damlo 10 thi

Admin - Nov 07, 2021

Kangmei hi COVID-19 ward-a chhuak niin damlo 17 an awm lai a ni

Maharashtra-a Ahmednagar  Civil Hospital chhung, ICU (intensive care unit)-ah Inrinni tuk khan kangmei chhuakin damlo awm lai mi 10 an thi a, mi dang hliam an awm nual bawk.

Kangmei hi COVID-19 ward-a chhuak niin damlo 17 an awm lai a ni.

Mi dangte hi damdawi in danga Covid ward-ah sawn an nih thu District Collector Dr. Rajendra Bhosle chuan thuthar lakhawmtute a hrilh a. A kan chhan hi an chhui nghal thu a sawi bawk.

Prime Minister Narendra Modi chuan Inrinni tlai khan chhiatna thleng pawh a tih thu Twitter-ah a tar lang.

“Ahmednagar, Maharashtra damdawi ina chhiatna thlenga thihna thleng hi pawi ka ti a, an chhungte ka tawrhpui tak zet a, hliam tuarte pawh rang taka dam leh turin duhsakna ka hlan,” a ti.

Chief Minister Uddhav Thackeray chuan chhiatna thlen chhan chhuina tur thupek a chhuah nghal a, thite chu Rs. Nuai 5-a ral an nih tur thu a puang bawk.

Kangmei hi thelh mih tawh a ni a, a chhuah chhan hi hriat a la ni lo va, electrical short circuit vanga chhuak a nih rin ber a nih thu Dr Bhosle chuan a sawi.

Share now