Afghan mosque-a thihchilh bomb puakah mi 50 vel thi
Taliban intiamna tiderthawngtu
IS-ho hian Pathianni kal ta khan Kabul-a vuina inkhawm hmanna hmun, Taliban hruaitute pawh an telna chu an lo bei tawh a. Tun hmaa an lo chakna thin, khawchhak lama Nangarhar leh Kunar province-ah pawh liantham lem lovin pawi an lo khawih fo tawh.
Zirtawpnia beihna thleng hi an insawi anga IS tih a nih tak tak chuan an huang zauhvin hmar lam pawh an hawi tan tihna a ni.
Taliban hian IS mi leh sa tam tak an man a, an that nual bawk niin an insawi a, vantlang hriatah chuan IS hi an hneh let zel tih an puang thin.
Afghan tam tak chuan Taliban-ten an ram an thunun leha an intiam angin muanna a awm an beisei hle a; mahse, IS hian hmun eng emaw zatah chein Taliban intiamna an tiderthawng.
Afghan khawpui pakhat, Kunduz-a Muslim biak ina thihchilh bomb tihpuahah mi 50 vel an thi niin thuneituten an sawi a, United States sipaiten an chhuahsan hnua pawikhawihna lian ber a ni.
Musliam sakhaw penga a zuitu tlem zawk, Shia Muslim-te biak in, Said Abad mosque chhungah hian ruang a let rem rum.
Hmar lam khawpuia pawikhawihna thlengah hian mi 100 chuangin hliam an tuar bawk.
Islamic State firfiak pawl chuan an tihah an chhal a. Sunni Muslim kal firfiakte chuan Shia-ho hi rinna lama kal sual/peng nia ngaiin an bei fo thin.
IS hnuaia Afghan-a hel pawl inziak lut, IS-K chuan tun hnaia Taliban-ten an rama rorelna fawng an chelh leh chu an duh lo hle a. Tun hnaiah bomb tihpuah pawh an ching hle a, a bikin an ram hmar lamah an ching zual.
IS thihchilh tipuaktu hian Zirtawpnia mosque-a tawngtaina hun an hman laiin a chhungah bomb a tipuak.
Tual chhung sumdawng pakhat, Zalmai Alokzai chuan damdawi in pan nghalin doctor-ten thisen pek an mamawh leh mamawh loh a thlithlai a, an thil tawn chu a rapthlak hle tih a sawi.
“Ambulance-te chu chhiatna thlenna hmunah hian ruang laa an tlan let nghal zel a ngai a ni,” tiin AFP news agency a hrilh.
Tual chhunga venhim hna thawktute chuan bomb tihpuah a nih lai hian mosque-ah hian tawngtaiin mi 300 chuang an awm niin Tolo News an hrilh.
Thi zat hi an pun pawh an hlauthawng hle.
United Nations chuan Zirtawpnia bomb tihpuah hi ‘sakhaw hmuna beihna rapthlak thlen vawi thumna’ tih sawiin, ‘tharum thawhna thleng zel’ an dem thu an sawi.
UN hian Pathiannia Kabul-a mosque bula bomb tihpuah, mi eng emaw zat thihna leh Nilainia khawchhak lama Khost-a madrassa (sakhaw thil zirna)-a beihna thleng an sawina a ni.
Hetih lai hian Inrinni khan US chuan Afghanistan an chhuahsan hnua a vawi khat nan roreltu thar, Taliban hruaitu tharte chu palaiin an be tan.
Ni hnih chhung inbiakna an neih turah hian US chuan Taliban-te hi hmeichhiate dikna zahsak tur te, sorkara telh ve tur leh tanpuitu pawlte zalen taka an rama an luh theih nan nawran tum niin state department thupuangtu chuan a sawi.
Latest News & Chhiar Hlawh
-
2m | Mar 28, 2024
-
2m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 25, 2024
-
1m | Mar 25, 2024
-
1m | Mar 25, 2024
-
1m | Mar 25, 2024