January 5, 2024; Mizoram sawrkarin sawrkar department hrang hrang a aikal late leh an lak chhante thehluh hun a bituk chu vawiin (5.1.24) ah a tawp dawn.

Hemi chungchangah hian Department of Personnel and Administrative Reforms (DP&AR) chuan December ni 29, 2023 khan hriattirna a tichhuak a, sawrkar hnathawkin aikal an lak chu Cental Civil Services (Conduct) Rules, 1964 bawhchhiatna leh dan kalh a nih avangin sawrkarin a ngai thutak hle tih tarlan a ni.

Aikal la, sawrkar hriattirna anga ti lote chungah khauh taka hmalak a nih tur thu DP&AR chuan a tarlang a, hriattirna a tihchhuah form ah, aikal an lak chhante, an aikal lakte qualification te leh hlawh an pek zat etc. te tarlan tur a ni.

ZALEN thudawn danin, aikal la report tur chungchangah hian department tin in hma an la a, hriattheih chin ah aikal la thin, tun a sawrkar hmalakna vanga aikal la titawp pawh an awm nual nia hriat a ni.