ZALEN May 13, 2025 : MNF Aizawl East-I Block te chuan, "Tun hnaia Aizawl East-I huam chhunga awm Hot Mix Plant Zuangtui a mi khawtlang mipui ten an duh lohna an lan tir chungchang ah, Zuangtui khawtlang tawrhna an hrethiam a, an thiam ang tawka hma an lo lakna ah tih sual palh an neih a lo awm chuan, sawrkar pawhin hrethiam a ngaidam turin kan ngen sak tak meuh meuh a ni," an ti.

He Hot Mix Plant hi Polution Control board pawhin a awmna hmun a dik loh dan te, khawpui area atanga KM 1 aia hnai lo leh sakhaw biakna hmun atanga 0.5 KM aia hnai lo ah tih te a ni, mahse he Hot Mix Plant hi khawpui chhung ah leh Biakin kawt deuh chiah ah a awm a ni.

Heng bakah hian, he khawlin Polution chhia a tih chhuah tam loh nana diesel hman tur tih a nih laiin, diesel ai a chhe zawk leh la refined loh crude oil an hmang leh zel te hi a dik lova, Chu mi piah lamah a khu leh a rima chhuah tam loh nana a hnuaia tui awm reng tur chu tui dah a ni ngai lova, Zuangtui khawtlang pawhin pipe lei ula luikawr tui kan laksak ang che u te pawh ti thin mahse an ngaihsak ngai lo a ni, an ti.

Lirthei neitu te lakah sawrkar hian polution certificate an strict em em lai a, a sawrkar zawkin sawrkar dan hre reng chunga a bawhchhe reng mai te kha mipui tham lohna a ni a, Mizoram Polution Control Board hian sum tam tak chawi tir ngei bawk rawh se.

Ningani, May 15, 2025 ral hma ngeiin, dan dik lova Hot Mix Plant khawl hman avanga harsatna thleng chungchangah, PWD te hian an FIR theh luh hi an withdraw lo a nih chuan, Zuangtui-a PWD Quality Control, research and development office staff te an office kal tur tiamchin awm lova dan an tum a ni.

Dan tam tak bawhchhe chunga Zuangtui khawtlang laka FIR an la thehlut ngam te hi mak an ti a, Home minister pawhin an FIR thehluh te lo register tir lo tur leh Polution Control Board te dan an bawhchhiat chungchang ah dan anga thubuai lo siamsak zawk turin an ngen a ni.

Zuangtuia Local Council Chairman pawh hmuin Party khat ni lo mah ila, Zuangtui khawtlang mipui te a tawp thlenga an support tur thu leh a tul a nih phawt chuan an tan ai pawh tang an huam an ti.

Dan dik takin he khawl hi hman nise chu, Zuangtui khawtlang te hian an venga tanga sawn chhuah em em pawh an tum a ni ber lo, mahse tu mitmei mah veng lova dan an bawhchhe lui tlat avanga he boruak hi thleng a ni tih hi Zoram mipui ten i hriatsak ang u.

--------------

To,

   Hon'ble Minister

   Home Department

   Govt. of Mizoram

Subject   : FIR withdraw tur a ngenna.

Ka Pu,

   Mizo National Front Aizawl East-1 Block hmingin chibal kan buk a che

Zuangtui veng chhunga dan lo anga Hot Mix Plant a siam hi, Mizoram Polution Control Board te pawhin sawn turin an lo thlen tawh thin a, nimahsela vawiin ni thlengin hmalakna a awm loh avangin, Zuangtul khawtlang te chuan an veng chhung boruak a lo thianghlim zawk nan leh khawtlang mipuite hriselna atan tiin, an thiam dan ang angin hma an lo lak chungchangah PWD te chuan Zuangtul khawtlang lakah Fill an theh lut tih kan lo hria a, he mi chungchangah hian Keini MNF Aizawl East Block- I te chuan, kan bial chhung a awm he Hot Mix Plant an duh loh chhante kan han ngaihtuahin awm kan tih pui a, an lamah a tawp thlengin kan tang dawn a ni.

May ni 15, 2025 (Thursday) ralhma a FIR in theh luh hi in Withdraw turin PWD Minister hnenah pawh kan thlen a, MNF Aizawl East-1 Block-te chuan PWD Quality Control, Resarch and Development, Zuangtul ami hl, FIR withdraw a nih hma chu Office kal thei lo turin dan kan tum a, Bawngkawn Police Station a PWD ten FIR an theh luh hi lo register lo tur leh Zuangtui khawtlang mi tumah man tir le turin kan ngen che a, kan ngenna che hi a hlawhtling lo a nih chuan a tul angin MNF Aizawl East-1 Block-te chuan hma kan la dawn a ni.

I hnena kan thu rawn thlen hi uluk tak a min lo ngaihtuah saka, min tih hlawhtlin sak ngei turin kan ngen a che.

I rintlak,

(PB LALAWMPUIA)

Secretary

Mizo National Front

Aizawl East-I Block

(PC THLAMUANPUIA)

President

Mizo National Front

Aizawl East-I Block