December 29, 2023; Rs. Vbc. 3.28 seng a siam, Aizawl Lungdawh hawn fel tak chu Krismas leh Kumthar vuakvet ah tlawhtu an thahnem thin hle.

Aizawl Lungdawh hi Smart City Ptoject hnuai a thawh niin, tun December ni 20 khan UD&PA minister K. Sapdanga'n a hawng.

Hawn a nih hun in a zir chho nen, Krismas leh Kumthar vuakvet ah Aizawl Lungdawh hi tlawhtu an thahnem thin hle a, zan lam mai bakah chhun lam thlengin tlawhtu an awm chho mek.

Aizawl khawpui chhungah hetiang a mipui lenvahna leh intihhlimna hmun dang hi chhiar tham lek a la awm a, Aizawl cheimawitu leh Aizawl tan a rotling tak tur a nih chhoh ngei a beiseiawm.