DOWNLOAD OUR APP

Read latest news on your phone
app-store
Alto car aia manto scooter chu hei le!
Jun 08, 2022

Hungarian two-wheeler siam chhuaktu lian Keeway chuan India an rawn lut ve rup mai a, scooter manto an rawn chhawpchhuak nghal. Model chi thum - K-Light 250V, Vieste 300 leh Sixties 300i te an rawn chhawpchhuak a, a man a to hlawm rem rem hle. Sixties 300i phei hi chu Maruti Alto car man zat zet a ni - booking an hawng mek. 

Keeway hian model chi thum an rawn chhawpchhuak a, chung zinga mit la ber chu Sixties 300i a ni. A man pawh cheng nuai 2.99 (ex-showroom) vel zet a ni a, a tha thawkhat ang tih a hriat. A design hi Vespa SXL 150 nen a inang viau a, tun laia hmuh tur awm zen zen tawh lo Select II scooter te pawh kha a ang lek lek - danglamna tam tak a awm ang tih erawh a chiang. 

Keeway Sixties 300i hian LED headlamp a hmang a, petrol pawh litre 10 zet a leng. Rawng chi hnih - Matte Black leh Matte White te duhthlan tur a awm a, mobile charge na a awm tel bawk. A hnung leh hma lamah disc brake a hmang a, dual-channel anti-lock braking system a ni cheu bawk.

A wheel len zawng pawh inches 12 zet a ni a, a original tyre pawh 120/70 R12 lai a ni. A body hi - a length 1,985mm niin, a width pawh 720 mm lai a ni. A seat san zawng hi 790 mm ni a, a body pum rih zawng hi kg 146 a ni - scooter dangte aiin a nghet tha zawk ngei ang. 

Sixties 300i hi India rama 'retro scooter’ manto bera chhal a ni mek a, Maruti Alto ma aiin a to zawk niin an sawi hial. An kutchhuak dang - K-Light 250V leh Vieste 300 te pawh hi belhchian dawl tak a ni ngei ang - booking hawn mek a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh