January thlaa Brazilian Amazon ramngawa thingkung kih chu nikum January aiin a tam zawk niin sorkarin satellite atanga a lak atangin hriat a ni.

Nikum January-a kih aiin a let nga velin kuminah an kit tam zawk a, kum 2015-a chhinchhiah a nih atangin January-a kih tam ber tum a ni.

Environmentalist-te chuan Brazil President Jair Bolsonaro chu ramngaw thiah a nasat theih nana phalna petuah puhin an dem hle.

Sik leh sa inthlak zel tur ven nan mi thiamte chuan Amazon ramngaw humhim hi a pawimawh tak zet niin an sawi.

Amazon-a thingte hi tuah atan leh thlai chinna hmun atana vatin an kit thin. 

Nikuma Glascow-a climate change summit, COP26 neihah khan sorkar 100 chuangin kum 2030-ah chuan ramngaw thiah titawpa kal dan thlak an intiam.

Brazil-a space agency Inpe-in thlalem atanga a lak an tihchhuah hnuhnung berah erawh Brazilian sorkar hian rainforest lian tak humhim tura hma a lakna hmuh tur a la awm lo niin environmentalist-te chuan an sawi.

“Data thar bera a lan danah hi chuan sorkar hmalakna hi sawi hlawh tak tur a ni a, hmun hringte kha a ro leh tawh zawk a ni,” tiin an sawi hlawm.