Aizawl December 28, 2023: Vawiina Aizawl Municipal Corporation (AMC) Board of Corporators (BoC) meeting chuan AMC Revised Estimate (RE) 2023-2024, cheng nuai 11731.81 chu a pawm a. BoC meeting chuan Corporators zinga MLA a tling thar Baryl Vanneihsangi chu lawmpuina an hlan a, Mizoram State Lalduhoma kaihhruai Sorkar thar lo ding chu lawmpuina an hlan bawk.

Aizawl Mayor Lalrinenga Sailo kaihhruai BoC meeting-ah hian Lalringliana, Executive Corporators (Cash & Accounts) chuan Revised Estimate hi a pharh a, sawifiahna hun a nei nghal a. Kumtira Budget Estimate zat chu cheng nuai 11479 a nih thu te, Revised Estimate hi Budget Estimate aia cheng nuai 252 a a san thu a sawi a. AMC in a thawhchhuah te chu a pun zel thu leh hmasawnna lawmawm tak a nih thu a sawi a ni.

Financial Year 2023-24 chhungin Central Sawrkar atangin cheng nuai 6564 dawn beisei a ni a, State Sawrkar atangin cheng nuai 2324 dawn beisei a nih thu Budget RE-ah hian tarlan a ni.