Aizawl: Mizoram sawrkara taxation department chuan sawrkar kumthar hnu, April, 2023-ah chhiah Rs. 1,34,78,34,419 a hmu nghal a, thla khata chhiah a hmuh tam ber a tling nia hriat a ni.

Taxation department hian April, 2023 khan GST-ah Rs. 1,07,59,54,329 hmuin, profession tax-ah Rs. 42,03,619, sales tax-ah Rs. 26,76,65,331 leh chhiah dang atangin Rs. 11,140, a vaiin Rs. 1,34,78,34,419 an  hmu tling.

Thla liam ta, April-a chhiah hmuh zat ang hi thla dangah hmuh a la ni ngai lo nia hriat niin, January, 2023 khan Rs. 1,10,99,28,370 hmuh a lo ni tawh bawk.

Taxation department hi Mizoram sawrkar tana revenue chhung luttu lian ber a ni a. GST, VAT leh profession tax atangin chhiah a lakhawm a. Financial year 2022-23 chhunga a tax revenue a hmuh zawng zawng chu Rs. Vbc. 1,020.66 a ni a, revised estimate (RE)-ah Rs. Vbc. 900 hmu tura beisei an nih laiin RE target hi Rs. Vbc. 120.62-in an khum.

State’s Own Tax Revenue (SOTR) target Rs. Vbc. 917.79 pawh Rs. Vbc. 102.87-in an khum a ni.