July 18, 2023: Major General Vinod Kumar Nambiar, YSM, SM, Inspector General Assam Rifles (East) chuan vawiin khan Headquarters, 23 Sector Assam Rifles ah CYMA Office Bearers te chu an President Lalngheta hoin a kawm.

General Nair chuan CYMA chu an hnathawh tha a tih thu sawiin Manipura Zohnahthlak te Imphal atanga thiar chhuahah AR in an puih dante a hrilh a.  Assam Rifles te chu "Hmarchhak Mite Thian" an nihna angin an puih theihnaah chuan puih a inhuam reng thu a sawi bawk a ni.

Tunhnaia ruihhlo leh ralthuam tawlh ruk man tur awm fo a vei thu sawiin Mizoram hma hun atana a tha dawn lo nia a hriat thu a sawi a. Hetiang thil hian state chhunga mipui chengte a chhe zawngin a nghawng bakah state ralmuanna thlenga a tihchhiat theih thu a sawi bawk. Ruihhlo leh ralthuam tawlh man kawngah hian Assam Rifles te chu pui turin CYMA a ngen bawk a ni.