–Vanhnuailiana Sailo
Phone : 9862482761

Ke a kal (Walking) hi mihring taksa hrisel nan leh taksa rihna a lo san lutuk loh nana kawng awlsam leh tha ber, man chawi ngai lo niin mi thiam ten an sawi. Kum lama upa te leh naupangte tan pawh a that dan a thuhmun a, a tha ve ve a ni.

    Tunah hian mipui Vantlang hriat atana ka han pholan duh tak chu Healthy Living Diet Clinic, Mumbai-a Senior Registered Dietician and Diabetes Educator, Sunita Pathania-in ke a kal chin than thatna hrang hrang ni a a sawi, Times of India Health Section-a an thuchhuah te chu a ni.

Hetiangin :-

1) Nitina ke a eng emaw chen a thui kal thin hi Lung (Heart) hrisel nan a takasa sawizawina (Excercise) the ber a ni. Regular taka ke a kal thin te chuan Lung lam natna hrang hrang neih theihna mawhphurna (Risk) an nei hniam a, Lung that lohna in a min beih thutna (Heart Attack) leh Thisen dawt ping emaw, thisen kal tha lo emaw avanga zai ngai tawk tawh te dam chak theihna chhan ber a ni. Tin, Heart Attack tawh leh theihna a mawhphurhna (risk) a ti tlahniam thei.

2) Nitin ke a thui tawk kan kal hian kan nun kawng zawha kan kal zelna ah min ti chakin taksa a thisen in sem a zai tha a, mipa tan phei chuan mipatna kawngah pawh chakna a pe thei.

3) Kan taksa in in zo (fit) taka a awm theihnan a tha hle a. regular taka ke a Kilometer eng emaw zat tal kal thin hi taksa in fit theihna awlsam ber leh senso tlemna ber a ni.

4) Walking hi acrobate=ic Excercise a ni a, mi a ti harhvangin kan nunzia (mood) ti up tu tha tak a ni thei.

5) Blood Preassure (BP) sang nei tan a tih hniamna tha tak a ni a, Regular taka ke a kal hian thisen in sem zai a ti chak a, Tihrawl-ah Oxygen Supply a ti tam a, chu chuan thisen zam hna thawh a ti hahdam thin a ni.

6) Ke a kal thin hian ruhtuah a ti chak a, ke leh kawng bawr bakah hnungzang ruh tan Excercise tha tak a ni.

7) Kan nunphung ah awmze nei a nun ti up tu a nih tel bawk avangin ke a kal thin hian Depression nei te pawh a pui thei in a ti dam chak thei.

8) Ke a kal thin hian thluaka Oxygen Supply a ti tam a, mi a ti harhvang thei a, thluaka Chemical chikhat Adrenaline a ti chhuak hnem a, chu chu thluak ti chaktu tha tak a ni bawk a ni.

9) Zan mut theih loh (Insomnia) nei thin tan i mut hma in Walk thin la, hei hian i mut a ti tui thei tih hria ang che.

10) Nu nau pai tan hlei hlei ke a kal chin than hi a tha lehzual. Naupai leh a kaihhnawih avanga harsatna chi hrang hrang kan tawh theih risk a tihniam a, zunthlum (Blood Sugar) a tihniam thei.

11) Ka a kal hi i taksa a thau chuangtlai paihna tha tak a ni a, nitin pen 5000  vel tal i kal hian a pui thei che tih hriat a tha. Ke a kal thin hian taksa in natna a do theihna a ti chak a, hritlang lakah mi a veng thei tih hria in chin than a tha in kan nu leh pa leh kan pi leh pute khan meizial te an zu nasa in damdawi engmah ei lo mahse ke a an kal nasat leh an taksa an sawizawi na atan a tha tham, nitin ke in an lo kal thinna vang a ni.