Assam leh Nagaland-in ramria sipai hnuk kir dawn
Assam leh Nagaland sorkar chuan an inrinaa an buai mekna, Dessoi Valley reserved forest-a sipai an dahte hnuk kir ve ve turin inremna an siam.
Hetianga state pahnihin ramria sipai an dahte hnuh kir tuma inremna hi tun hnai lawka Assam ramria hun rei tak buaina lo awm tawhna, Mizoram nena intibuaia an police paruk lai an thih hnu lawka an siam a ni.
Ramri buaia sipai an dahte la kir tura inremna hi Assam Chief Secretary Jishnu Barua leh Nagaland Chief Secretary J Alam te Dimapur-a Inrinnia an inbiaknaah an siam a ni.
Assam Chief Minister Himanta Biswa Sarma chuan inremna an nei thei ta chu ‘rahbi chhinchhiahtlak’ tia sawiin, Nagaland Chief Minister Neiphiu Rio chungah lawm thu a sawi bawk.
“Assam hian ramria muanna a awm theih nan thil a ti a, hmarchhaka vantlang nun leh ei bar dinhmuna hmasawnna a awm zel theih nan a inpe bawk,” tiin Twitter-ah a tar lang.
Chief secretary pahnihin inremna an ziah, Sarma-an Twitter-ah a tar lanah hian Dessoi Valley Reserved Forest/Tsurangkong Valley hmun hniha state pahnih intihbuaina thlennaa police an dah hnuh kir ve ve an remti tih a lang.
“Lehlam lehlam hian Nagaland chhunga Ao Senden leh Vikuto khua leh Assam chhunga Jankhona Nala/Nagajankha leh Compartment No 12 leh a chhehvelah hian muanna awm kan duh a, heng hmuna Nagaland leh Assam-in venhim hna thawktu a chhawpte hi rang taka lak sawn ve ve a ni ang,” tiin a inziak.
Sipaite hi an base camp-ah ve ve darkar 24 chhungin an kir ang a. An awmna \hin hi UAV leh thlalem hmanga vil a ni ang.
Latest News & Chhiar Hlawh
-
1m | Mar 29, 2024
-
2m | Mar 28, 2024
-
2m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 25, 2024
-
1m | Mar 25, 2024
-
1m | Mar 25, 2024