India rama assembly inthlan hnuhnung 11-ah khan pianphunga rualbanlo leh kum 80 chung lam mi nuai 3.30 zetin an chenna inah vote an thlak.

Persons with disability (PwD), kum 80 chung lam leh Covid vanga ina inkhung ngaiten ina vote thlak (home voting facility) hi an hmang thei.

In atanga vote thlak ngaite hi political party aiawh leh inthlan buaipuituten hun bi tiam chhungin an inah kalchilhin vote an thlaktir thin.

Home voting hi ballot paper hmang zela tih a ni a, inkaihhruaina mumal tak duan sa hnuaiah neih a ni thin a, video-a an vote thlak lai lak zel a ni bawk.

Kum upa mi nuai 2.6 zet leh rualbanlo mi 70,000 chuangin state assembly inthlan hnuhnung 11-ah khan vote an thlak a ni.

Tun hnaia inthlanna panga - Madhya Pradesh, Chhattisgarh, Mizoram, Rajasthan leh Telangana bakah a hma deuhva Gujarat, Himachal Pradesh, Meghalaya, Nagaland, Tripura leh Karnataka-ah khan in lama vote thlak hi kalpui a ni.

Home voting hi Election Commission-in inthlanah mi tam zawkin vote an thlak theihna tur leh mi tin banphak inthlan a awm theihna tur atana a kalpui a ni.

Commission hi kum upa, a bik takin kum 100 chuangin an vote an thlak phei chuan a lawm hle thin a ni.

Chief Election Commissioner Rajiv Kumar hian kum 100 tling tawh mi 2.5 chuang hnenah mipui rorelna tichaktu an nih avangin commission hmingin lawmthu sawina a thawn hial a ni.