Bangladesh-a buaina chhuakah Hindu mipa pahnih an thi leh niin police hotute chuan Inrinni khan an sawi a, Muslim rama sakhaw thila buaina chhuaka Hindu mi paruk an thihna a ni tawh.

Buaina hi Nilaini atanga chhuak kha niin Durga puja laia Hindu pathian lim khupa Muslim lehkhabu thianghlim, Quran tar thlalak thehdarh atanga intan a ni.

Bangladesh-ah hian mihring cheng zinga 10% chauh hi Hindu sakhaw zuitu an ni.

Police chuan buaina chhuak thar ber hi chhim lama Begumganj khuaa chhuak a nih thu an sawi a. Muslim tam takin Zirtawpni khan tawngtaina hun an hmang a, hei hi Durga Puja tawp ni tak a ni bawk a, an intibuai ta niin an sawi.

Mi 200 chuangin Hindu-ten puja ni 10 an hman chhunga a tawp khar nana temple-a hun hnuhnung an hman dawn laiin an bei thut niin tual chhung police station chief Shah Imran chuan thuthar lakhawmtute a hrilh.