26th June, 2023: Bawlhlawh chhara km 623 ke a kal Valallawmzuala Varte, Mission Veng, Aizawl chuan khaw thenkhatah dumping ground neih that loh a vei thu sawiin 'long run' a tlan thin driver te hnenah awareness tam zawk pek a tul niin ZALEN a hrilh.

Lza Varte channel https://youtube.com/@elzetavarte3951

Cleanliness Trekking Expedition neia Lailapur atanga Khaykhi, Siaha District ke a kal Lza Varte chuan, "Khua sawrkar dumping ground neilo an awm tlat a, kan zawt fuh lo nge chu kan hre loa, 'kham velah kan nawr liam mai mai' ti an awm nual a, dumping ground bawlhhlawh liam tur dangtu bang chhe tawh leh neilo hrim hrim an awm nual," tiin a vei thu ZALEN a hrilh a.

"Truck kan mamawh phur hi an lo lut nasa sia, Lailapur - Aizawl bikah motor chawlhna hmun thingbuk hnuai leh tui awm na rem deuh hi a bal thei em em maia, an chawlhna thin ho hi a bal thei khawp mai,  Mizoram check gate a an inziah luh hian faina lam leaflet a in ziak te hi pek theih nise tha ka ti," a ti bawk. 

Lz-a sawi danin Lailapur-Aizawl bikah hian plastic bottle a tam zual em em a, an chhar hnem ber hi mineral water bottle niin a dawt chu cold/energy drinks hrang hrang sting, lion, shark, cola cola leh engine oil bur ruakte an ni.

Amah puitu zawng zawng leh Pathian chungah lawmthu a sawi bawk a ni.

LZ-a Varte zin kawng

- Vanlallawmzuala Varte hian he expedition ah hian ke hlira hun a hman piah lamah hian a kalna kawng dung a bawlhhlawh paihhnawk awm te, a bik takin plastic bawlhhlawh te a chhar fai nghal zel a. LZ-a hi Hruaizela, Sairang chuan motor a zuiin a bawlhhlawh chharsa te a ni hian a lo phur khawm thin bawk a ni.
 
- May ni 26, 2023 atang khan Lailapur atanga kal tanin Khaikhy khua atanga km 10 vela hla Myanmar ramri bul hi ni June 22,2023 ah a thleng a, motor chhia leh hahchawlh chhung paihin a kal chhung hi ni 18 vel bawr a ni.

Main sponsor 

1.Mizoram Sports Council
2.Co-Sponsor-Ud&Pa department hnuaia Swachh Bharat Mission (Urban)
National Health Mission
3.Aizawl South-2  MLA Pu Lalchhuanthanga
4.Dr.Lalchhuanawma SNO,QA, NHM
5.CLS ACADEMY
6.KIM TEA (Biate)