Bengal tual chhung inthlanah mi pakua thi
West Bengal-a tual chhung rorel khawl, panchayat inthlana tharum thawhna thlengah mi pakua an thi.
Tun tum inthlan hi nakuma parliament inthlanpui hriltu ni thei tura ngaih a nih bakah an state politics boruak tilang thei tura ngaih a ni.
Thi zinga panga hi state-a rorel lai, Trinamool Congress (TMC) mi panga leh BJP, Left leh Congress mi pakhat \heuh leh independent-a inthlan chuhtu thlawptu pakhat a ni tih thuneituten an sawi.
TMC chuan heti taka thihna a thleng hi sorkar laipuiin venhim hna thawk tura a dahte ‘hlawhchhamna’ niin a sawi.
Thihna thleng bakah hian mi eng emaw zatin hliam an tuar a, polling booth pahnih velah ballot box tihchhiat a awm bawk niin news agency PTI chuan a tar lang.
June 8-a inthlan tur puan atang tawhin Bengal hmun hrang hrangah tharum thawhna a chhuak tan tawh a. Tleirawl pakhat telin tun thlengin mi 15 an thi tawh niin PTI chuan a tar lang.
Chief Minister Mamata Banerjee chuan an party, TMC tan an national general secretary Abhishek Banerjee nen nasa takin an campaign a. Kum 2018 inthlanah khan seat awm 34% zet chuhtu awm lovin an la a, tun tumah hian an boruak a hniam ve deuh avangin an tang hle.
BJP tan state president Sukanta Majumdar, national vice-president Dilip Ghosh leh eptu leader Suvendu Adhikari ten an kaihruai ve thung.
Latest News & Chhiar Hlawh
-
2m | May 04, 2024
-
2m | May 04, 2024
-
1m | May 04, 2024
-
2m | May 04, 2024
-
2m | May 03, 2024
-
2m | May 03, 2024
-
2m | May 03, 2024
-
2m | May 03, 2024
-
1m | May 03, 2024
-
1m | May 03, 2024
-
1m | May 03, 2024
-
1m | May 03, 2024
-
1m | May 03, 2024
-
1m | May 02, 2024
-
1m | May 02, 2024
-
2m | May 02, 2024
-
2m | May 02, 2024
-
1m | May 02, 2024
-
1m | May 02, 2024
-
1m | May 02, 2024