Aizawl January 6, 2024 : Ephatha Society of Mizoram (ESOM) chuan Mizoram a Bengri hriatna thalo (Hearing Impaired) te tan Bengdar (Hearing Aid) an sem dawn a, hearing aid mamawh tan ngaihven theih a ni.

February ni 27 atanga ni 29, 2024 chhung hian Ephatha Society Of Mizoram chuan Ali Yavar Jung National Institute of Speech and Hearing Disabilities (Divyangjan), Mumbai nen tangkawpin Mizoram chhung a beng rihriatna lam a harsatna nei te tan a thlawn in bengdar (Hearing Aid) semna programme an nei dawn a, Hearing Aid mamawh tute chuan heng documents te hi neih tur a ni.

1. Disability Certificate leh UDID Card.

2. Aadhaar Card

3. Passport thlalak 2

4. Income Certificate (thlakhat a rs 22,000/- aia tam lo)

Hengte document nei te chuan February ni 15, 2024 ralhma ngeiin Principal, Ephatha Special School (For Deaf and Hard of Hearing) Kulikawn West, Aizawl-ah in report a, docuemts tarlan zawng zawng te hi thehluh vek tur a ni. A hmun a kal thei lo tan, Whatsapp in mobile no. 9774951704 ah hian documents pawimawh te hi a soft copy a thawn theih a ni bawk e.

Hearing Aid mamawh te chu dil theuh turin an sawm a, hemi thil a hriatchian duh nei te chuan mobile no. tarlan ah hian englai pawhin zawh fiah theih reng a ni.

Ephatha Society Of Mizoram hi bengri hriatna thalo (Hearing Impaired) te tanpui tu pawl an ni a, tunah hian Bengri hriatna thalo te tan Ephatha Special School (For Deaf and Hard of Hearing) chu Kulikawn West, Aizawl ah an enkawl mek a. He school ah hian Beng ri hriatna lama harsatna nei lehkha zir duh te chu an admit thei reng a ni.