Stray Kids (SKZ) tia hriat lar te hi South Korean Boy band niin JYP Entertainment kutchhuak an ni a, 2017 khan reality show ah SKZ ang hian in lanin an in vawrh tan a. An member te chu 8 niin Bang Chan, Lee Know, Changbin, Hyunjin, Han, Felix, Seungmin leh I.N. te an ni a. A tir chuan member 9 niin an member zinga mi Woojin chuan October 2019 khan a band hi a chhuahsan a, a mimal lama harsatna a neih vang niin a sawi a ni.

Stray Kids te hian pre-debut extended play (EP) Mixtape chu January 2018 ah tichhuakin a hnu March 25 ah EP I Am Not. chu official in an tichhuak leh bawk a ni. An music genre hi K-pop, hip hop, electronica bawma khung chu a ni bawk.

An group hming Stray Kids hi Korean agency lian JYP Entertainment te phuah chawp sak a ni lo a, an mahniin an phuah a ni a. Naupang boin a suangtuahna leh hmalam hun a theihtawpa a umzuina lan tir nana hman a ni a. A hnuah hei hi her danglam lehin mi pangngai awm ho pangngai nih duhlo entir nan an thlak leh a ni.

Hmun hran hranah tour an neih bakah 2017 atanga 2022 chhungin TV show 37 ah an inlan hman a, show thenkhat chu episode 46 a sei te niin a tawi ber chu episode 1 a ni thung a. 2017 leh 2022 chhungin TV drama 3 ah an inlan bawk.