February 12, 2024; BCM Ramhlun North Biak In dar mi tu tih hriat loh ten an rukbo chu vawiin thlengin hmuh a la ni lo a, hemi chungchangah hian Bawngkawn Police Station ah FIR thehluh a lo ni tawh.

ZALEN News a tarlan tawh angin, BCM Ramhlun North hian Biak In an sa tha mek a, hemi avang hian an Biak In dar hman lai chu temporary deuhin Kohhran Hall bulah an dah a. 

Dar hi January ni 15 - 20, 2024 inkar a bo a nih rin a ni a, an hriat ve leh Bawngkawn Police Station ah FIR an thehluh nghal a ni.

Biak In dar hi kum 1986 kum a an Kohhran mite donate niin, tunlai angah chuan Rs. 40,000 atanga Rs. 50,000 inkar man vel a nih rin a ni.

BCM Ramhlun North hruaitute chuan police te nen theihtawp an chhuah chungin vawiin thlengin chanchin lawmawm lam an la hre thei rih lo tih ZALEN an hrilh.

Thlalak : BCM Biak In Ramhlun North Biak In (sak that a nih hma)