June 16, 2023; Kawlbem leh Teikhang inkarah a bike chesual ah Khawzawl pa pahnih an thi a, vawiin khan vui an ni. An chetsual hun hi chiang tak hriat theih ni lo mahse, June ni 14 Thawhlehni chawhnu lam vel a nih rin a ni.

ZALEN thudawn danin, Khawzawl Vengthar leh Khawzawl Dinthar a mite JJM scheme, in tin a tui connection pekna tur siamin Teikhang ram, Tuikual luiah an riak a, chuta an riahna ah chuan chesual ta te pahnih K. Lalthathanga (52) leh Ramchhana (32) Khawzawl Dinthar te pawh hi Thawhtanni khan an kal ve a, zan hnih riah a haw tum an ni. An pahnih hian nupui fanau nei lai ve ve an ni.

Thawhlehni khan mamawh lam turin khua a an chhuak chu  Kawlbem leh Teikang inkar kham ah an chesual a, an pahnihin kawng thlangah metre 150 bawr vel an lum a, an boral ve ve a ni.

Nimin zing thleng khan an haw tak loh avangin, an hnathawhpui ten an hnathawh pui ten an zawng a, Kawlbem te pawh an va thleng a, an kir leh lamin Ramchhana chapal khing kawngsir ah an hmu a, an enfiahna hnuah kawngthlang hnim pe thla sun an hmu a, kham a san avangin tihngaihna vak an hre lo a, an thian tha zual te leh an thlenin te punin an finfiah a, kawngthlang feet 20 bawr velah an bike thing a lo tang an hmu a, anmahni ngei an ni tih an finfiah hnuah khawtlang mipui punin, nimin tlai dar 5 vel khan an la chhuak a ni.

Ruang pahnih te hi Teikhang khawtlangin hlawmin, YMA ten kuang an siam sak a, police te pawh a hmunah an thleng bawk. Nizan dar 10:30 vel khan Khawzawl panpui an ni a, lumen an nih hnuin, vawiin khan vui an ni.