Tribal hruaitu, union minister hlui, Vishnu Deo Sai chu BJP chuan Chhattisgarh-a chief minister atan an ruat fel ta.

Kum 2024 ram inthlanpui thlir tel chungin Pathianni chawhnu khan BJP MLA atana thlan thar mi 54 chuan Sai hi an hruaitu atan an thlang chhuak a ni.

Chawlhkar khat zet tu nge ni ang tia inpawhna nasa tak a awm hnuah Prime Minister Narendra Modi-a’n an state-a mi cheng zinga 32% zet tribal awmnaah tribal hruaitu an that a rin angin Sai hi thlan chhuah a ni ta a. Chhattisgarh-ah hian Other Backward Classes tih lohvah chuan tribal hi a mi cheng tam ber an ni.

BJP hian chanvo sang chelh turin tribal hi an dah langsar lem lo va; mahse, Surguja-a assembly bial 14 zet leh Bastar-a bial 12 zet hi tribal tamna a nih avangin inthlan lo aw tur thlirin chanvo sang an pek hi an tan tha turah an ngai a ni.

Kum 59 mi, Sai-a hi an party thurawn lakna pakhat, Rashtriya Swayamsevak Sangh pawhin an duh ber a ni a. Chief minister hlui, an party hruaitu hriat hlawh ber, Raman Singh nen pawha inhnimhnai tak nia hriat a ni.

MP-ah pawh vawi li lai thlan tlin lo ni tawh, Sai hi Chhattisgarh unit-ah hian an party president nihna pawh kum 2020 leh 2022 inkara chelhtu a ni a, an party chhung hre chiang a nih rualin mi mil loh ni ngai lem lo a ni.

Tun hmain BJP National Working Committee-ah pawh member a lo ni tawh a. Kum 2014-a Modi-a sorkar a pian khan minister of state niin steel a chang a ni.

Thla hmasaa Kunkuri-a a campaign-naah pawh Union Home Minister Amit Shah chua Sai-a chu thlang tling ngei turin mipui a ngen a, thuneihna an chang a nih phawt chuan ‘big man’ a la nih dawn thu a sawi a ni.

Thla hmasaa an inthlanah khan member 90 awmna assembly-ah BJP hian bial 54 changin Congress an paih thla a, a hmaa MLA 68 nei khan 35 chauh an nei tawh a ni.