BJP in sawrkara tel ngei tum || Candidate 23 zingah AMC area-ah candidate pahnih nei

October 18, 2023; Mizoram BJP chuan MLA inthlan lo awm tur atan bial 14 an puan hnuah bial 7 a ding tur an puan belh a, bial 23-ah an din tur thu an tichiang, AMC area-ah candidate 2 an nei. Candidate puangtu BJP Mizoram President Vanlahmuaka chuan sawrkar tharah an telh ngei tur thu a sawi.

Vanlalhmuaka chuan sawrkarah an tel ngei ngei dawn tih sawi ngam tun dinhmunah a awmchhun an nih thu a sawi. Congress tih loh chu an thawhpui thei vek a ti a, chutihrualin tun dinhmunah tumah biak lawk an nei lo tih a tarlang bawk.

BJP Mizoram president hian party a lut thar Lalrinliana Sailo-a'n Mamit bial a chang ta mai leh a hmaa he bial viltu leh inthlan hmasa lamah pawh lo ding tawh Malsawmtluanga'n candidate a chan loh chungchang pawh a sawi a, MS-a chu helai bial enkawltu a ni a, thutlukna chu central lam atanga rawn siam a nih thu leh thuneihna an neih lo tih a sawi.

BJP hian an candidate turte bial 23-a official-in an puang a, puan chin atanga a lan danin, Mizoram khawthlang lam leh Mizoram chhim lam leh hmar lam leh hmar thlang lam an tinzawn ber niin a lang. khawchhak lamah pawh candidate dahna bial an nei tho a, AMC area chhungah bial hnih an chuh dawn.

Candidate an puan ah hian hmeichhia pali telin, minister hlui Dr. K. Beichhua chu a bial ngai Siaha bialah a ding zui dawn a, MLA nilai Dr. BD Chakma chu tun tumah hian a ding dawn lo a ni. Candidate list-a lang lo zingah Lawngtlai West ST-ah JB Rualchhinga leh Lawngtlai East ST-ah NC Muankima te dah an ni bawk.

BJP MLA OFFICIAL CANDIDATE LIST :-

1. Hachhek ST (1) Malsawmtluanga

2. Dampa ST (2) Vanlalhmuaka

3. Mamit ST (3) Lalrinliana Sailo

4. Serlui ST (6) Robinson Malsawmtluanga Hmar

5. Champhai North ST (23) PS Zatluanga

6. Hrangturzo ST (28) Lalmalsawma

7. Lunglei West ST (32) R Lalbiaktluangi.

8. Thorang ST (34) Shanti Bikas Chakma

9. West Tuipui ST (35) T Lalengthanga

10. Tuichawng ST (36) Durjyan Dhan Chakma

11. Siaha ST (39) Dr K Beichhua