Aizawl July 15, 2023 : Mizoram Pradesh Youth Congress Committee (MPYCC) chuan tukin khan Ramrikawn, Tanhril-ah Street Campaign an nei a, He huna thusawitu Congress Thalai President Laltawnliana chuan sum itna avanga BJP mawngzawmpui leh mawngzawmpui chak an awm a ti.

MPYCC President Laltawnliana chuan, "BJP ten kan sakhuana an sawinghin lai leh, Kristian-te min nuai chimih an tum mek laia, an sum itna avanga BJP lo mawngzawmpui kan awm leh mawngzawmpui chak em em kan awm te hian a ngaih a tih tha lo hle a, kan ramah heng mite hian an duh thal-in lalna han chang phei sela chuan kan sakhuana thleng hian an hralh duh mai ang tih a hlauhawm hle a ni," a ti.  

Laltawnliana chuan, tunah hian BJP chu state hranghranga an sawrkar thu sawiin, an theih veleha India rah hi sakhaw pakhat a leh an tum a. Tunah hian India hmarchhak state-ah hian Mizoram chiah hi kan bang tawh a, Kristian ram nia kan hriat Nagaland-ah pawh thuneihna an chang tawh a, Mizoram hi Kristian ram kan nih angin BJP hian BJP ang ngau ngaua sorkar theih an inring lo a, mahse, an thurualpui-te hmangin sawrkar-na an siam theih a ni tih erawh khan hriat a pawimawh em em ani, a ti bawk.  

MPCC Special Invitee Vanneihthanga Vanchhawng pawh in thu sawiin, kum 2018-a khati taka MNF an chet theih naah kha BJP sum tam tak a tel a ni, a ti a. BJP hi khawvel party lian leh hausa ber anni a, sum leh pai in thil a tih thei em avangin, an duh chu an le thei zel a, TV channel lian pawh an lei pawp pawp mai a ni, a ti a. Mizoram ah pawh BJP hian sorkar tum in tan an la nasa viau a, sorkar na siam tur chuan kum tam tak an la mamawh dawn a, chumi chu an hriatchian em avangin Tualto party hi an lei zel a ni, a ti bawk. 

Vanneihthanga chuan tun hnaiah hian Tualto party pakhat sorkar tura khan deuh a inngai ten, an mi leh sa te lungawi leh awi lo pawh ngaihtuah lovin, bial vil tura an duh te sawmin an ruat pawp pawp ani tiin, hei hi an party hian chhiat phah hle tawh a ni, a ti a. He party hian kum 2018 inthlan dawn a BJP satha ip puak tak kha chan an beisei ve em tih, an hotupa June ni 27-a Guwahati a in check up anga kal, zan khat chuah riak si khan a ngaihtuah tir thu sawiin, Lalduhawma khan Guwahati ah khan zan khat chauh riak khan enge a tih lo zawt tur leh thu dik tak sawi ngam tur a duh thu a sawi bawk.