ZALEN September 17, 2023 : Tripura-a inbenbel thlang, Bru voters 3,500 vel  te Mizoram Electoral Roll-a thun tura ngenna chungchangah Election Commission of India (ECI) atangin chhanna engmah a la awm lo.

Bruno Msha chuan tun September 6 khan Mizoram Bru Displaced People Forum hmingin ECI-ah ngenna a thlen tih ZALEN zawhna chhangin a sawi a, tun thlenga resettlement location la tifel lo, Bru chhungkua 651-a voter 3,500 bawr velte chu chhan hrang hrang avangin Tripura E Roll-ah thun an la ni lo tih a sawi.

ECI-ah ngenna a thlen tih sawiin Bru voter 3,500 velte chu Mizoram E Roll-a thun tur leh kumin inthlanpuiah vote an thlak theih ngeina tura hmala turin ECI-ah ngenna a thlen tih niin sawi. 

Hetihlai hian ECI atanga chhanna dawn an la nei lo tih sawi bawkin, beiseina erawh an neih thu te, vote thlak thei ni si a, khawi E Roll mah a chuan loh chu dan kalh a nih thu leh Tripura sawrkarin a pawm theihna turin, kumin inthlan thleng tal Mizoram E Roll a chuang tura ngenna an thlen thu te a sawi bawk.

Bruno Msha sawi danin Tripura-a inbengbel fel tawh Bru-te chuan in sak tanpuina Rs. 1,50,000 an dawn chu installment thumin an dawng a, zaa 80 bawr velin chumi hmang chuan an chenna in tur an din fel tawh.

Tar lan tawh angin Tripura-a inbenbel thlang, Mizoram E Roll-a chuang thin voter sing chuangte chu Mizoram E Roll atangin paih fel an ni tawh.