Russia leh Ukraine ram buaina vangin khawvel ram hrang hrangin Russia ram an kawm serh a, Russia mi te pawhin en hran hlawhin buaina an tawk chho mek zel a, chung zinga langsar ber pakhat chu England club tha Chelsea neitu pa Roman Abramovich-a hi a ni ngei ang. 
   

Buaina laka inthiar fihlim vat tumin a club chu hralh a tum chuk chuk a, mahse UK sorkar chuan a thil neih te a hren sak vangin a tum angin a che thei lo. Hetih lai hian UCL champion hlui Chelsea lei duh an la intlar put nia sawi a ni. Chung leitumtu mi hausa zingah chuan British billionaire Nick Candy a langsar ber a, a ni hian a chang mai thei.
   

Mahse, buaina dang awm leh chu Chelsea hi hralh theih a nih pawhin Chelsea hralhna pawisa chu khawiah nge a luh dawn a hriat theih rih loh. Zaa za neitu nihna nei  Abramovich-a kutah a lut ngawt thei dawn lo va, UK sawrkar-in a duh angin an hmang dawn nge, a lo sawi lawk tawh angin Ukraine run vanga chhawmdawl ngai te puih nan an hmang mai thei bawk.