April 7,, 2025; Mizote chanchin a hmun pawimawh luahtu, Myanmar ramchhung a awm, Buannel chu tunlaiin tlawhtu an tam thin hle.

ZALEN thudawn danin, Buannel tlawhtu hi Mizoram atanga kal an ni deuh ber a, tunlai bikah chawhrualin nitin mi za bawr velin Buannel hi an tlawh thin.

Buannel ramchhung a nungcha hrang hrangte tihhlum phal a ni lo a, hemi chungchang a Buannel Board te ngenna chu a hmun tlawhtu ten an zawm tha viau thin a, Buannel mawina ti bawrhbang lo tura an ngenna pawh tha taka zawm a ni.

Buannel hi a tlangpuiin, ruahtui tlak zawh thawkhat hnu, November atangin tlawh thin a ni ber a, hetihlai hian pangpar chi hrang hrangte vul hun a inan loh avangin chumi hunah chuan a mawi ber tih sawi theih a ni lo thung.

Buannel enkawlna tur leh tul pawimawh dang a hman turin, Buannel tlawhtu ten Buannel Board hruaitute hnenah donation an pe thin bawk.