ZALEN April 16, 2025 : Food, Civil Supplies & Consumer Affairs (FCS&CA) Department chuan thuchhuah siamin Mizoram sawrkar-inn mipuite hnena buhfai tha, hnianghnar leh buk dik taka pe tura hma a lak naah buhfai lak khawm leh Supply Centre-a mipui ei tur a sem chhuah tur phurtute'n kawng lakah an hralh thin tih an hriat hnuah Buhfai hralh thin lakah First Information Report (FIR) an thehlut an ti.

Hetiang thil thleng hi FCS&CA Department chuan a ngai thutak hle a, buk dik taka mipuite hnena buhfai pek chhuah kawnga hmalakna kalh zawnga harsatna thlen hi mipui chanvo dik lo taka lak sakna a ni a. Thil dik lo titute dan anga hrem turin Sawrkar chuan hma a la zel dawn a, thil diklo titute do let kawnga tanrual puiah mipuite an sawm.