ZALEN April 10, 2025 : ZPM General Hqrs. thuchhuak chuan Supply Minister leh Sawrkar Official te hmalaknaa buhfai bo thlau tur venna kal zelah Godown lama thawkte leh retailer ten buhfai buk dik taka an pek chhuah tak avangin March 2025 khan quintal 7566.61 sawrkarin a hum thei a, a pawisa chuan a hlutna hi nuai 220 chuang zet a ni, an ti.

ZPM chuan Thlakhatah buhfai mipui khul tur quintals 97,439.63 mamawh thin a ni a, March 2025 thla-a buhfai hum hi quintal 7566.61-a awm theih avang hian April 2025 quata ngaihtuah belh ngai chu quintal 89,873.02-ah a tla hniam thei ta hian ram siamthatna kawnga hmasawnna ropui takah an ngai a, a changtu Minister B.Lalchhanzova leh sawrkar officials te thawhrimna an chhuang hle an ti.

Thlatin buhfai quintal 7576 kal ral tur sawrkarin a hum zel theih chuan kumkhatah buhfai quintal 90000 chuang a tling thei dawn a, a sum anga chhut chuan Cheng vaibelchhia 30 zet kumkhat chhungin sawrkar pawisa kalral tur a veng dawn a ni, hei hian a man to a buhfai lei thin kha a ti tlahniam dawn a, state pawna buhfai leina atana sawrkar sum hman pawh a tlakhniam phah dawn bakah NFSA hnuaia Card eng leh card pawlah mi nuai khat zet thun theih an ni dawn a ni, ZPM chuan an ti.

Sawrkarin mipui tana ngaihtuahna a sen avang hian Godown lama thawktute leh retailerte pawhin buk dik taka buhfai pe chhuak chhunzawm zel turin ZPM General Headquarters chuan an ngen bawk.