ZALEN April 17, 2025 : Food Civil Supplies & Consumer Affairs Department chuan thuchhuah siamin buhfai an lak khawm leh Supply Centre hrang hranga mipui ei tur a sem chhuah tur phurtu te'n kawng lakah an hralh thin a ni tih finfiah a ni an ti a, Buhfai hralh thentu lakah First Information Report (FIR) an thehlut.

Mizoram sawrkar chuan mipuite hnena buhfai tha, hnianghnar leh buk dik taka pe turin tha thlah lovin theihtawp a chhuah a. Hetih lai meka hetiang thil thleng a hi FCS&CA Department chuan a ngai thutak hle a, buk dik taka mipui te hnena buhfai pek chhuah kawngah harsatna a thlenin mipui chanvo dik lo taka lak sakna a ni, an ti.

Thil dik lo ti tute dan anga hrem turin sawrkar chuan hma a la zel dawn a, thil diklo titu te do let turin tanrual puiah mipui te an sawm a ni.