Aizawl, 30, 2022;  Aizawl Mayor Lalrinenga Sailo chuan, nimin a Executive Council thukhawmin thutlukna a siam angin, khauh zawkin building regulation kalpui a nih tur thu leh dan zawmlote hremna (pawisa fine) pawh a let sawm 10)-a tihpun a nih tur thu a sawi.

AMC Conference Hall-a Swatchh Bharat Mission (Urban) zirchianna hun vawiin khan AMC councillor ten an hmang a, he hunah hian Aizawl Mayor Lalrinenga Sailo chuan thu sawiin, hun kal tawhah building permit ang loa in satute chu pawisa chawitira permit pek chhunzawm an lo ni tawh thin a nih pawhin, tun atang chuan hremna (penalty) hian permit pek kawngah awmzia a nei tawh dawn loh tih a sawi, “Penalty hi ngaihdamna a ni tawh lo ang,” tiin, "AMC dan zawmlo te chu dan angin maximum penalty (lungin tan) thlenga hrem an ni ang," a ti.

Sensitization Programme on SBM (U) for Councillors hi Zothanmawia, Municipal Commissioner-in a kaihruai a, councillor bakah Lalhmingthanga, Joint Municipal Commissioner, UD&PA department leh AMC official dang te an tel.