Aizawl; August ni 17 a inbumna avanga Assam police ten  an man nia ngaih F. Lalrotluanga, Bilkhawthlir chu Silchar Central jail ah dah luh a ni tawh nia thudawn a ni.

ZALEN thudawn danin, Burma kuhva phurh tirtu nia hriat hnamdang pakhat pawh Assam police te hian manin, Jail ah an dah tawh bawk a, F. Lalrotluanga motor chu Dholai PS ah an kawl nia hriat a ni bawk.

F. Lalrotluanga chhungte chuan Assam police ten thubuai an kal pui zel dan hriatzui an nei hlei thei lo tih an sawi a, Mizoram police te pawhin boruak thlir a, Assam kal rih lo tura thurawn an la pek rih thu an sawi. Silchar mission compound a awm te leh Silchar YMA ten an lo ngaihven sak thin a, chu chu tuna a chanchin an hriat theih dan a ni rih.

Bilkhawthlir Joint YMA thuchhuah tarlan danin, mi man hi Bilkhawthlir - Kolasib bus service thin neitu leh khalhtu a ni.