Aizawl : Lunglei District huam chhunga Thorang biala awm South Khawlek khua chuan 28.12.2023 hian an kum 100 tlin chu ruai nen an lawm a, an khawchhuak Mizoram IGP Lalbiakthanga chu khuallian a ni.

S. Khawlek kum 100 tlin lawmna ah hian an khawchhuak tuna Mizoram sawrkara Ispector General of Police ni mek Lalbiakthanga Khiangte chu khuallian niin monument a hawng a. Khuallian chuan hmasawn tur chuan zirna leh inlungrualna a pawimawh a ni, a ti a. Mipui kalkhawmte chu ruihhlo laka inthiarfihlim turin a sawm bawk.

South Khawlek khua chuan an kum 100 tlinna lawmna pual hian an khawchhuak mi hlawhtlingte leh mi hmingtha -Lalbiakthanga khiangte, IPS(IGP) ; Lalrikhuma Sailo, Principal Adviser (Rtd) MP&SS ; Dr.Jerome Rokima, S&WC Director (Rtd) ; Zadingi (Sakei chek hlum tu) ; .Dr. Rothuama, Ex-MP (Lok Sabha) ; Lalhmingliana, Add SP (Rtd) te hnenah chawimawina Citation an hlan bawk a ni.