Aizawl February 13, 2024 : Chin Baptist Council, Women Deptt. USA te chuan nikum lam atang tawha an lo tih thin danin Central YMA ten Ruihhlo an dona kawnga tangkaia an hman turin thlatin US $ 1000/- chu Central YMA hnenah an hlan thin a. June thla thleng daih tur account-ah an thun leh tawh.

CBC USA Women Deptt te hian January - June, 2024 (thla 6 chhung) atan US $ 6000/- (Indian Rupees ₹5,04,000/-) chu Central YMA account ah an rawn thun a ni.

CBC, USA ten Ruihhlo do ngai pawimawh a, Central YMA te hnena tanpuina a rawn pe thin chu Central YMA chuan lawmthu a sawi a, an sum pek chu tangkai taka hman a nih ngei tur thu an sawi a ni.

CBCUSA hi Kohhran 115 lai awmna niin tunah hian Kohhran member mi 350000 chuang an ni. Mizoram chunga chhiatna thleng hrang hrangah te leh tun hnaia Myanmar Raltlante tan pawh tanpuina pawisa engemawzat an lo thawn tawh thin a ni.