CBI general consent a pek theih ; Sawrkarin general consent a pe lo - Vanlalruata, PC Party President
![](https://zalen.s3.ap-south-1.amazonaws.com/images/news/1721991729_Ruatpcc.jpeg)
Aizawl July 26, 2024 : Vawiin khan PC Party President Vanlalruata chuan Party office ah thu sawiin Mizoram sawrkarin a duh phawt chuan CBI te duh duha thil chhui thei tura general consent a pek theih zia a sawi a, tun dinhmuna general consent a pek loh thu a sawi.
Mizoram sawrkar leh CBI indawr tawh dan sawiin Ruata chuan kum 1990-a Mizoramin CBI hnena consent a lo pek tawh thu te, 1995-a hei hi sawrzim a ni a, 2002-a consent tihtawp anih thu te a sawi a. "ZPM a lo sawrkar a, an sawrkar hlim teah general consent an pek thu insawitheihnan an hmang a. Mipui pawh kan lawm a, corruption case lian te CBI in an chhui hun tlumtea thlir taka kan thlir laiin kumin June 27 khan hei hi tihtawp leh a ni," tiin Ruata chuan, "Heti chunga kan Chief Minister leh ram hruaitu thenkhatin CBI te general consent pe anga an insawi reng hi a dik lo a. An party Dan hremi ho phei chuan CBI te general consent pek theih anih loh thu Press Conference hial neiin an sawi a. Hetiang thu inkalh ngaihthlak fo hi a ninawm a ni," a ti.
CBI te general consent pek hi a that leh that loh chu a thlirtu ngaihdana innghat a ni a, chutihlai chuan sawrkarin a duh anih phawt chuan general consent hi a pe thei a ni, tiin Ruata chuan, "Mahni party legal cell in consent pek theih loh anga an sawi bawk si, hruaitu ten consent pe anga insawi bawk si hi thu awmze neilo a ni," a ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024