Aizawl May 10, 2024 : Vawiin khan Congress Party chuan Friday Political Session Congress Bhavan ah an hmang a, he huna thusawitu Mizoram Pradesh Congress Treasurer Dr. Lalmalsawma Nghaka chuan, "Vawiinah chuan Central-ah BJP an sawrkar ang ti ngam an awm ta meuh lo. Tunkar chhung hian stock marker a su kual nasa em em a, expert-ten a chhan hrang hrang an sawi zingah ‘hung parliament’ an bei sei thu te pawh an sawi a ni," a ti.

Dr Lalmalsawma chuan, "Modi-a hi a mangang em em a, seat 400 chuang kan la ang tia tlangau thin kha, tunah chuan Rahul Gandhi a bei ta ngar ngar ringawt mai a, Amit Shah pawhin nasa takin Muslim mite a bei ngat ngat ta zawk a ni. Hmana Rahul Gandhi-a nuihzat a, deusawhtute khan an fak leh tawh a, hnam hnuaihnung leh kut hnathawktuten an tana ding Rahul Gandhi an ngaina em em leh ta a ni," a ti.

An dinhmun sawiin, "Mizoram Congress te pawh kan tho kang mek a. Keini hi chuan nghet taka din kan mamawh. Kalphung thar kan mamawh ve tawh lo a, keini chu kalphung dika kan kal a ngai a ni. Kalphung tharah chuan mite fak beiseiin hna an thawk a, danglam bik angin an inzuar kual a, midang fak nan chauh hna an thawk thin. Keini chuan mipuite tih lawm tum ringawt kalphung kan duh ve lo. Kan mipuite’n leirem an rah theih nan keini hi mi ngelnghet leh mi rintlak kan nih phawt a ngai a ni. Tun dinhmunah hian eng kawng nge zawh ila kan hnam hi a ngelngheh ang tiin ngaihtuah ila, kan mamawh dik tak zawng chhuakin, taima taka hna thawh kan tum a ni," a ti bawk..

Party mipui te ngenna thu sawiin Congress Treasurer chuan, "Zoram puma Congress hruaitu, mipuite tana hna thawk thinte khan Pathian hre rengin mipuite tana ding thar leh turin ka ngen che u a, mipui mamawh phuhruktu ni thar leh turin theih tawp i chhuah ang u." a ti.