June 22, 2023;  Kar kalta inrinni zing dar 3:45 vel khan Aizawl Tanhril a Central Jail atangin hnam dang pahnih an tlanchhuak a, heng tang tlan chhuakte hi man tumin zawn mek an ni a, he thu buatsaih lai thleng hi chuan man an la ni lo.

Heng mi pahnihte hi an tanna ward ventilation tichhiain GI pipe hmangin jail hungna bang an lawnliam nia thudawn a ni.

ZALEN thudawn danin tang tlanchhuakte hi Karimganj leh Tripura lam mite niin an pahnih hian ND&PS Act hmanga man ve ve an ni a, an thubuai hi ngaihtuah lai mek an ni.

He thil thleng chungchangah hian prison department lam chuan police ah FIR an thehlut a, police lamin a theih ang angin tang tlanchhuak te zawn hna hi an thawk mek nia hriat a ni.