September 18, 2023; INC leh ZPM lam candidate tur ten Chalfilh bialah campaign rusum an thlak tawh laiin, MNF candidate tur a la chiang thei lo.

Chalfilh bial hi Speaker Lalrinliana Sailo bial ni mek a ni a, hetihlai hian party chhung boruak vangin a ding nawn leh dawn em tih a chiang lo a, amah ngei pawhin a din leh din loh chu Pathian leh an party hotute thu thu a ni tih ZALEN a lo hrilh tawh.

Chalfilh bial hi MNF lam atangin din tum an awm nual nia sawi a ni a, speaker ngei pawh hian din leh a la inbeisei viau nia sawi a ni.

ZALEN in a biak Chalfilh bial chhung a MNF block hruaitute pawhin tun thlengin an candidate tur an la chiang lo tih an sawi a, tunkar chhungah emaw chuan an chiang ve tawh maithei niin an sawi.

Hetianga rorellai MNF ten an candidate tur an tihchian hleih theih loh lai hian INC leh ZPM candidate te chuan campaign rusum an thlak mek a, in te luahlut in theihtawp an chhuah mek a ni.